شاگردان لیسه نسوان عبدالرقیب ولسوالی کوهستان ولایت کاپیسا به نسبت کم ارتفاع بودن دیوار احاطه ونداشتن دروازه مکتب با مزاحمت ها مواجه بوده واز لحاظ امنیتی نگران بودند.
اداره مکتب پیشنهاداتی را عنوانی ریاست معارف تحریر که نتیجه مطلوب را بنابه نبود بودجه بدست نیاوردند. حاجی شیر پادشاه خان ناظر محلی این مکتب جلسه فوق العاده شورای اداری مکتب را دعوت وجلسه تحت اجنداء پیدانمودن راه حل برای مرتفع ساختن دیوار احاطه ونصب دروازه مکتب دائر گردید درنتیجه همه اعضای شورا توافق کردند تا به این ارتباط نمائندگان این شورا با مؤسسه پاملرنه که سابقه خوب همکاری را با معارف دارد ، ملاقات نمایند. به تأسی از فیصله شورا ی اداری مکتب چهارتن به شمول ناظر محلی با مؤسسه پاملرنه ملاقات ، ودرنتیجه این مؤسسه مؤافقه خود را با حل مشکل پیشنهادی شورا ابراز نمود. نمایندگان شورا ونماینده پاملرنه با اخذ موافقه از ریاست معارف ، کارمرتفع ساختن دیوار ونصب دروازه را آغاز وکار درمدت حدود یکماه به پایان رسید. پایان کاردر واقع ختم عمده ترین مشکل بود
